دویای زانیارییەیل نەمانی.. میدیایل ئیران باس قائانی کەن
شەفەق نیوز/ میدیایل راگەیانن ئیرانی، ئمڕوو یەکشەممە، خەوەرەیلیگ بڵاو کردن کە وتن؛ ئەو زانیارییەیلە کە باس کوشتن قائانی کەن لە لوبنان دویای گورزەگەی وەبان هاشم سەفیەدین درووە، وتنیش؛ قائانی تەندروسیی خاسە.
ئەو زانیاریەیلە کە میدیایل ئیسرائیلی و عەرەبی بڵاویان کردن ئویشن هاتێ قائانی هەناێ لەناو ئەو بینا بویە وەگەرد هاشم سەفیەدین کە لە شوین نەسرولڵا دانریەێد، وەختیگ فڕۆکەیل ئیسرائیل وەرجە دوو رووژ پەلاماری دان، وەگەرد دیارنەیان قائانی لە نماز جمعە کە سەید عەلی خامەنەئی ئەرا یەکەمین جارە لە ماوەی ٥ ساڵ ئەنجامی دا، کە گومان لە چارەنویس قائانی زیای کرد.
وەلێ ئازانس میهر ئیرانی، لە زوان سەرچەوەیگ ئاگادار وت: قائانی خاسە، و میدڵ ئێست نیوز دویەشەو لە زوان سەرچەوەیگ سەربازی پایەبەرز وت: ئەو چاوەیلە لەبان فەرماندەی فەیلەق قودس راس نیین، و دووپات کرد کە قائانی تەندروسیی خاسە.
تا ئیسە هیمان زانیارەیل لەبان چارەنویس سەید هشام سەفیەدین سەرۆک ئەنجومەن جیوەجیکار حزبولڵا نادیارە، کە ئەگەرە لە شوین نەسرولڵا بنیشێد، دویای ئەو گورز تەنە وەبان شوینەیلیگ لە بەیروت وەرجە دوو رووژ، وە زیاتر لە لە ٧٠ تەن بومب.
