ده‌رنه‌چگن ئيران له سوريا شۆك وه روسيا كرد
شه‌فه‌ق نيوز/ ئيگۆر سوبوتين نويسه‌ر باوه‌تيگى له "نيزافيسيمايا غازيتا" له‌باره‌ى گفتوگووه‌يل رووسى ئسرائيلى له‌بان به‌رزترين ئاست ئه‌را دياريكردن چاره‌نويس هيزه‌يل ئيرانى له سوريا بڵاو كرد و پيشبينى ئه‌وه كردگه وجوود سه‌ربازى له سوريا بدێده باوه‌ت ناوه‌ندى له گفتگووه‌يل ناونى فلاديمير بۆتين سه‌رۆك رووسى و بنيامين ناتانياهۆ سه‌رۆك ئسرائيل له مۆسكۆ.
له‌و باوه‌ته وتگه: رووسيا له‌باره‌ى باشوور سووريا گفتگوو وه‌ل ئيران ئه‌كا ك چه‌ن جاريگ روسيا جه‌خت له‌وه كردگه بايه‌سه به‌تاڵ بكريه‌ێد له‌گشت هيزه‌يل غه‌يره سوورى، دوياى ئه‌و سه‌ركه‌فتنه له‌بان چه‌كداره‌يل، وه‌لێ ته‌هران له‌يوا دياره مه‌يل ئه‌را ده‌رچگن له بنگه‌يل له‌و وڵاته نه‌يريد و يه‌يش شوۆك وه رووسيا كردگه.
هه‌ر له‌مان باوه‌ت، كيريل سيمونوف وه‌ڕيه‌وبه‌ر خوه‌نينه‌وه‌ى ئسلامى له په‌يمانگاى گه‌شه‌داين ئبتكارى و شاره‌زاى ئه‌نجومه‌ن رووسى ئه‌را كاروبار ناوده‌وڵه‌تى ئه‌را"نيزافيسيمايا غازيتا"وت: وه دابه‌شكردن سوريا كاره‌گه ته‌مام ئه‌دێ و ناوچه‌يليگ هه‌ن به‌تاڵ بوون له وجوود سه‌ربازى ئيرانى جوور حه‌له‌ب و دێره‌زۆر.
