درۆن و مووشەک... ئەمریکا چەودیاری جویلەی ئیران وەرەو ئیسرائیل کەێد
سی ئێن ئێن لە زوان دوو سەرچەوەی نەناسریای بڵاویکرد، ئەمریکا چەودیاری جویلەی فڕۆکەی بێفڕۆکەوان و مووشەک کروز ئیرانی کردگە، یەیش نشانەس ئەرا ئەگەر ئامادەیی ئەرا پەلاماردان ئامانجە ئیسرائیلییەیل.
تەلئەبیب وە فەرمی وەرپرسیارێتی خوەی لەو پەلامار ئاسمانییە کە لە ١ نیسان ڕویدا و بویە مدوو کوشیان محەمەد ڕەزا زاهدی، فەرماندەی باڵای سوپای قودس سوپای پاسداران ئیران و ٦ ئەفسەر ترەک ئاشکرا نەکرد.
ئەو دوو سەرچەوە دووپات کردن کە ئیرانیەیل خوازن پەلامار تووڵەسەنین لە ئیسرائیل "گەورە" بوود و باس ئەوە کردن کە واشنتۆن تەقەلای ریگریکردن لە هەر مووشەکیگ دەێد کە وەرەو ئیسرائیل بوەشیەێد.
هووشداری ئەمریکی
میدیایل ئەمریکی باس لەوە کردنە کە ئەمریکا وە ئاشکرا تەهران ئاگادار کردگە کە بەشداریی لە پەلامارەگەی لەبان قونسوڵخانەی دیمەشق نەکردگە، و هووشدارییش دا کە هەر وە ئامانجگردنیگ سەربازی ئەمریکی یا بەرژەوەنییەیل سەر وە واشنتۆن وەڵامی دریەێدەو.
جۆ بایدن، سەرۆک ئەمریکا پەیامیگ هووشداری ئەرا ئێران کلکرد و ڕاگەیان، پەیامەگەی ئەرا تەهران کە هەڕەشەی جیوەجیکردن ریکارەیل سەربازیی لە دژ ئیسرائیل کرد، “ئی کارە مەکەن”.
بایدن لە رووژنامەنویسەیل وت: ئیمە پابەندیمن وە وەرگریکردن لە ئیسرائیل، ئیمە پاڵپشتی ئیسرائیل کەیمن، ئیمە دەسمیەتی دەیمن لە وەرگریکردن لە ئیسرائیل و ئیران سەرکەفتی نیەوود.
سەرۆک ئەمریکا مەزەنەی ئەوە کرد کە تەهران لە ماوەیگ نزیک تەقەلای لیدان ئیسرائیل بیەێد و وت: “نیەخوازم بچمنە قویلایی لە زانیارییە نهێنییەیل، بەڵام مەزەنە کەم (لیدانەگە) زویتر بوود نەک دیرتر”.
پەلاماریگ گەورە
وەرجەیە لە ڕاپۆرت تووڕ سی بی ئێس ئەمریکی کە لە زوان وەرپرسەیل ئەمریکا بڵاوی کرد، باس ئەوە کرد کە هاتێ پەلامارەگە وە زیاتر لە 100 فڕۆکەی بێفڕۆکەوان ئەنجام بیریەێد.
بیجگە لە فڕۆکە بێفڕۆکەوانەیل، وەرپرسەیل ئەرا کەناڵ سی بی ئێس وتنیش؛ پەلامارەگە وە دەیان مووشەک ئەنجام دریەێد، ئامانجە سەربازییەیل ناوخۆی وڵات کەنە ئامانج، هەمیش هووشداری دان کە تەلئەبیب کەفێدە وەر سەختی نواگیریکردن پەلاماریگ وەی قەوارە.
