داوای جیوەجیکردن نموونەی تاڵیبان لە ئیران وەناچاکردن مەردم ئەرا نماز
شەفەق نیوز/ سەرکردەی ئیرانی ناودیاریگ لە ئەنجومەن پسپۆڕەیل سەرکردایەتی، داوای چەسپانن نماز ناچاری لەبان خەڵکەگە کرد، و جیوەجیکردن نممونەی تاڵیبان لە وڵاتەگەی لەی باوەتە، و دەسخوەشی لەناچارکردن مەردمەگە وە نمازخوەنین لەلایەن تاڵیبان کرد.
عەلی موعەلمی، ئەندام ئەنجومەن سەرکردایەتی لە ئیران، ل٣ دیداریگ لە پارێزگای مازەندەران وت: ئمڕوو نووڕیمن تاڵیبان ناچار مەردم ئەفغانستان کەێد تا نماز بخوەنن، باوجی وەداخەو ک ئیمە کەومکوڵی و لەڕیدەرچین لەی کارە دیریمن.
سایت عەسر ئیران لەزوان موعەلمی وت: بەشیگ لە وەرپرسەیلە خوازین کەمیگ ئەرا نماز خوەنین دیرن، ک ئەگەر مەوقەی نماز بۊی لە مەیدانیگ نزیک سوپای پاسداران و فەرماندەی پاسداران هەنای پای رەسیە ئەولا و رۊی وەرەو دەسنماز کرد، خو گشت کەسەیل ئەولا وەسینە رزەو ئەرا نماز.
وەرپرس ئەنجومەن پسپۆڕەیل سەرکردایەتی، ک ئەو ئەنجومەنە وەرپرسە لە داناین و لاوردن مورشید باڵا، وت: وەداخەو ک دۊیای شۆڕشەگە چەن لادانیگ دەرکەفت، و بەشیگ لە وەرپرسەیلە باس ناچارکردن نماز خوەنین نێکەن، و ئەرا یانە ئۊشم، هەکاتی ناچارکردن فەەزەنەیلدان ئەرا چگن مەکتەوەیل، ئەڕا نماز ناچاری نەوود؟.
