چەکداریگ لە ئەمریکا سێ کەس کوشێد ئیجا خوەییش کوشێد

شەفەق نیوز/ پۆلیس ویلایەت ئەیوای ئەمریکا، خەوەردا لە کوشیان سێ کەس وە رویداویگ تەقەکردن لەناو پارکیگ خوەرهەڵات ویلایەتەگە، وەگەرد کوشیان ئەو کەسیشە ک پلامارەگە جیوەجی کردیە.  

مایک کرایفەر وەرپرس بەش لێکۆڵینەوە لە پۆلیس ویلایەت ئەیوا لە بەیاننامیگ وت: پۆلیس رەسیە پارک موکوکیتا کیڤز وەرجە ساعەت شەش ونیم شەوەکی.  

وتیش: سێ ئەندام پۆلیس رەسینە شوینەگە، وسێ کوشیای لەو شوینە پەیا کردن، و ئاشکرا نەکرد چوین مردنە وناسنامەیان کییە.  

وتیش: ئەندامەیل پۆلیس ئەو شوینە وەشکین، و تەرم پیاویگ لە خەڵک ویلایەت بنراسکا پەیا کردن گولە لەخوەی دایە، وەناو (ئەنتۆنی شیروین) لە تەمەن ٢٣ ساڵان.