دادگاى ئه‌مريكى گورز تازه‌يگ له برياره‌گه‌ى ترامپ وه‌شان
شه‌فه‌ق نيوز/ دادگاى فيدراڵى ئه‌مريكى گورز تازه‌يگ له برياره تازه‌گه‌ى دۆناڵد ترامپ سه‌رۆك ئه‌مريكى وه‌شان له‌باره‌ى مه‌سه‌له‌ى كووچ، ئه‌ويش دوياى ئه‌وه‌گ دادوه‌ر فيدراڵى له هاواى فه‌رمان دا ئه‌و برياره بووسيه‌ێد و كار وه‌پى نه‌كريه‌ێد له گشت وڵاته‌يل يه‌كگرتگ.
ترامپ رووژ چوارشه‌ممه وه تونى ئى بڕيار دادگا شه‌رمه‌زار كرد وه ئه‌وه‌گ بڕيار هه‌ڵه‌يگه‌و قه‌وڵ ئه‌وه‌يش دا ڕى دادگاى باڵا بگرێده وه‌ر ئه‌را وه‌رگرى له بڕياره‌گه‌ى خوه‌ى و باس له‌وه‌يش كرد ك ده‌ستوور ده‌سڵات داسه سه‌رۆك و سڵاى وسانن كووچكردن ديرێد له وه‌ختيگ ك به‌رژه‌وه‌ندى نيشتمانى له‌تى بوود.
جى باسه، ترامپ باوه‌ڕى ئه‌وه‌سه ك مه‌رزه‌يل ئه‌مريكى داخريه‌ێد له‌وه‌رده‌م گشت په‌نابه‌ره‌يل له جه‌هان و داين گشت فيزايگ بووسيه‌ێد ئه‌را ماوه‌ى 90 رووژ وه هاووڵاتيه‌يل شه‌ش ده‌وڵه‌ت ئسلامى.
