دادگاى ئه‌مريكى ره‌زامه‌نى له‌بان ياساى تازه‌گه‌ێ تره‌مپ له‌باره‌ى كووچ نيشاندا
شه‌فه‌ق نيوز/ دادگاى باڵاى ئه‌مريكى داواكارى ئداره‌ى دۆناڵد تره‌مپ سه‌رۆك ئه‌مريكا ئه‌را جيوه‌جيكردن ياساى تازه په‌سه‌ن كرد ك داواى ماف په‌نابه‌رى ديارى ئه‌كا له‌بان مه‌رزه‌يل وه‌ل مه‌كسيك و جوور يه‌كيگ له كاره‌يل سه‌ره‌كى له سياسه‌ته‌يل تونڕه‌وانه‌ى تره‌مپ وه‌رانوه‌ر كووچكردن تاريف كريه‌ێد.
وه‌گووره‌ى ئاژانسه‌يل هه‌واڵ, له‌ناونى 9 دادوه‌ر، ته‌نيا دووان له‌ليان نه‌تواس ئى مه‌سه‌له‌ى كووچه په‌سه‌ن بكريه‌ێد وه مه‌يل ياسا تازه‌گه‌ێ تره‌مپ ك ئه‌وانيش پيكهاتوين له سونيا سوتومايور و رۆس بادر جينسربرج، ك هه‌ردوگيان دادوه‌ر ليبراڵى بوين.
جى باسه، ئى ياسايشه ريگرى له زوورم كووچكه‌ره‌يل ئه‌كا له داواى ماف په‌نابه‌رى له مه‌رزه‌يل باشوور ئه‌مريكا، ك يه‌يش تازه‌ترين هه‌وڵه‌يل ئدارى تره‌مپه ئه‌را نواگرتن له كووچكردن و يه‌يش مه‌سه‌له‌يگ سه‌ره‌كيه له سه‌رۆكايه‌تيه‌گه‌ێ.
