دەسدرویژی سێکسی لەناو خەسەخانەیل بەریتانیا فرەس و داوای دەسوەردان کریەێد

 رووژنامەی ئیندیپێندنت لە زوان وەرپرس ئۆپەراسیۆنەیل وت: یە "باوەتیگ شەرمەزارکەر" بویە، دووپات لەبان "گرنگی جیوەجیکردن گامیگ ئەرا چارەسەرکردن ئی دیاردە" کرد.

لە دیدارەگە، ئیڤانس ئەزموونەیل خوەی ئاشکرا کرد وەرد پیشکەفتنە سێکسییە نەخوازراوەیل کە گلەو خوەن ئەرا رووژەیل ڕاهێنانەیای تا ساڵ گوزەشتە، رووشنایی خستە مل سروشت بڵاوبوین ئی باوەتە.

لە قسەکردن لەبان ئەو ئامارە سەرسامکەرە کە یەکیگ لە هەر هەشت کارمەن NHS راپۆرت بەرز کەێد کە تویش رەفتار سێکسی نەخوازریاگ بویە، دکتۆر ئیڤانس دووپات لە جددیەت کێشەگە کرد، داوای هووشیاری زیاتر و ریکارەیل گورج سەرکردەیل چەودیاریکردن تەندروسی کرد.

 وتیش " بایەسە ئاڵشتکردن هەڵوێست و رەفتارەیل ئەرا نواگیریکردن کاریگەرەیل ئازاردان سێکسی لەناو  NHS بوود".

وەگورەی رووژنامەکە، قسەیل دکتۆر ئیڤانس ڕەنگدانەوەی ئەو هەسەیلە بوی کە لەلایەن ئاماندا پریتچارد، وەڕێوەبەر جیوەجیکار NHS و ڤیکتۆریا ئاتکینز وەزیر تەندروستی باسی کریاس، کە داوای ریکارەیل یەکلاوەکەر کردنە لە وەڵام زیایبوین ڕاپۆرتەیل دەسدرویژی سێکسی و هەراسانکردن لەناو خزمەتگوزارییەیل تەندروسی، دووپات لەبان گرنگی ئاڵشتکاری سیستماتیکی زویوەزوی ئەرا چارەسەرکردن ئی دیاردە.

دکتۆر ئیڤانس ئاشکرا کرد کە وەگەرد هاوردن پەیماننامەی ببوەیی سێکسی NHS کە ئامانجی نەهیشتن ئازاردان سێکسی و دەسدرویژییە، گشت دامەزراوەیل NHS واژوو نەکردنە، دووپاتیش لەبان گرنگی پەسەنکردن جەهانی پەیماننامەگە کرد.

 دوایین ڕاپرس ستاف NHS کە ئاشکرای کردگە لە ساڵ گوزەشتە نزیکەی ٥٨ هەزار کارمەن کەفتنەسە وەر ڕەفتار سێکسی نەخوازریاگ.

 لای خوەییش NHS England پەیمان هەڵسەنگاندن ئەرا ئەو پیشکەفتنەیلە داگە کە دابینکەرەیل لە نواگیێ٦ ئازاردان سێکسی وەدەس تیەرن، یەیش هاوتەریبە وەرد بنەمایل بزووتنەوەی #MeToo.

 ئەو باس رخبەرە کە ستاف NHS کەفنە وەر ئازاردان، لەوانەیش رویداوەیل دەسدرویژی سێکسی و  دووپاتی لە کاریگ زویوەزوی کەن ئەرا نواگیریکردن ئی پرس گشتگیرە.