دەسگیرکردن گەنجیگ ئەمریکی وەرجە جیوەجیکردن کوشتاریگ لەناو کلیسەیل
وەزارەت داد وت: نویسینگەی لێکۆڵینەوە گەنجیگ لە تەمەن ١٨ ساڵان لە ئیداهۆ دەسگیر کرد، دویای ئاشکراکردن پلانیگ سەخت ودڵتەزن ئەرا پەلاماردان کلیسەیل لە کۆلر دالینی لە کۆتایی هەفتەی گوزەشتە.
ئەو گەنجە وەناو ئەلێکساندر میرکوریۆ لە بنەماڵەی مەسیحیە، و لەبان ئینتەرنەت بویەسە لایەنگر داعش، کە لە ساڵ ٢٠٢٢ نویسان: تەمەنم ١٧ ساڵە لە ئەمریکا، باوگ و داڵگم مەسیحین وفرە تویڕە بوینە چوینکە ریش نەتاشیمە و نیەیلم بانتۆڵەگەم باێدە خوار قاپمم.
میرکوریۆ پلان داشتگە وە لویلەی ئاسن بیەێد لەبان سەر باوک خوەی، ودەس وپای بوەسێد و چەکەیلی لەلی بدزێد تا وەپییان فرەترین شمارە لەو پلانە بکوشێد کە تواستیە جیوەجیی بکەێد.
وتیش: میرکوریۆ پرۆپاگەندە ئەرا داعش لەبان ئەنتەرنێت بڵاو کردیە و باس ئەوە کردیە کە خوازێد لە ئەمریکا بچووکە ناو داعش.
دیاری کرد کە پلان داشتیە چەک و تەقەمەنی و چەقوو و داس ووکار بارێد لەو پەلامارە، و رووژیگ ئەرا جیوەجیکردنی دیاری کردگە.
