دەسگیرکردن ئەفسەریگ سوری پایەبەرز نزیک لە ماهر ئەسەد لە دیرەزور

شەفەق نیوز/ ئیدارەی ئاسایش گشتی لە پارێزگای دیرەزور ، ئمڕوو یەکشەممە، دەسگیرکردن عەمید وەرین عەبدولکەریم حەمد حەمادە راگەیان لە نزیک ماهیر ئەسەد، برای سەرۆک وەرین سوریا بەشار ئەسەد. 

ئاژانس خەوەری سوریا "سانا" راگەیان حەمادە وە پلەی وەڕێوەبەر ئیدارەی مەلەف نیشتەجیبوینە وەرد رژێم وەرین، و لە گوزەشتە  راوێژکار و وەرپرس بویەلەبان هەماهەنگی ناوەین ئەفسەر رژێم وەرین و فەرماندەی سوپای پاسداران ئیران بویە.

لەدویای لاوردن رژێم ئەسەد، ئیدارەی ئۆپراسیۆنەیل سەربازی سوریا ناوەن نیشتەجیبوین وەرد ئەندام رژێم وەرین چەکەیلیان رادەسکردن، باوجی بڕیگیان رەدیکردن رویوەروی بوینلە شمارەیگ پارێزکا دروسبوی.