دەسگیرکردن شانەی داعش لە نەینەوا

شەفەق نیوز/ شانەی راگەیانن ئەمنی، ئمڕوو جمعە، خەوەردا ک حەشد شەعبی شانەی رخبەریگ لە ریخریاگ داعش لە شار مووسڵ دەسگیر کرد، ک ئەندامەیل ئەو شانە بەشداری لە کوشتن مەدەنی و هئزە ئەمنیەیلە کردن. 

شانەگە لە بەیاننامەیگ ئمڕوو وت: لەبنەمای زانیارەیلیگ هەواڵگری ووردیگ و دۊیای مینەکردن و چەودیریکردن خ مەفرەزەیل وەڕیەوبەرایەتی هەواڵگری سەربازی لە دەزگای حەشد شەعبی، و دۊیای وەرگردن مووڵەت دادوەری تۊینست رەخبەرترین شانەی داعش لە راس شار مووسڵ دەسگیر بکەێد.     

وەگورەی بەیاننامەگە؛ شانەگە ٦ کەس لەناو بەشدارن، و دەسیان هاناو کوشتن هاووڵاتی و هێزە ئەمنییەیلە، و ئەرک ئیسەیان هاوردن و بردن ئەندامەیل تیرۆریە و کەفالەت ئەرا خیزان کوشیایەیل داعش کەن، وتیش: دەسنریا بان بەڵگەنامەیلنو پۊلەیل و چەکەیل سووک ک لەلایان بۊی.