دەسکیرکردن سێ کەس ئیسرائیلی وە توومەت پەلاماردان ماڵ نتنیاهو

شەفەق نیوز/ سوپای ئیسرائیل، ئمڕوو یەکشەممە، دەسگیرکردن سێ کەس راگەیان کە گومان هەیە بومب رووشنایی وەبان ماڵ بنیامین نتنیاهو سەرۆک وەزیرەیل لە قیساریا وەشاننە، وەگورەی خەوەریگ لەلای ت دەزگای پەخش عیبری، ئەوەیش دویای راگەیانن دویەکە شەممە لەلایەن سوپای ئیسرائیل و دەزگای ئاسایش گشتی "شاباك"، لە کەفتن دوو بومب رووشنایی لە نزیک ماڵ نتنیاهو، دووپات کردن لە وازکردن لێکۆڵینەوە لە رویداوەگە.

سوپای ئیسرائیل و شاباک وتن: نزیکەی ساعەت 7:30 ئیوارە، دوو بومب رووشنایی لە نزیک ماڵ سەرۆک وەزیرەیل لە قیساریا وەشیا، و کەفتنە چووڵایی ماڵەگە.

وتیش: سەرۆک وەزیرەیل و خیزانەگەی مەوقەی ڕویداوەگە لەماڵ نەوین، و پولیس و شاباک ئەوە وە رویداویگ گرنگ دانە قەڵەم کە بەرزکردن رخداریگ نشان دەێد، ئەراوە ریکارەیل لێکۆڵینەوە جیوەجی کریەێد.

پولیس باس سەرچەوەی وەشیان بومبەیل نەکرد، لە وەختیگ وەزیر دارایی ئیسرائیل وت: تونەڕەوی شکیانە ئەرا بنەمای دیموکراتی ئیسرائیل، و بایەسە دەسەڵاتەیل جیوەجیکردن یاسا بانە خەوەر و وەرجە لەدەسدان وەخت بکەفنە جویلە.