دەسگیرکردن بالیۆز وەرین ئەمریکا وە توومەت سیخوڕیکردن ئەرا کوبا

دوو سەرچەوەی ئاگادار لەباوەت لێکۆڵینەوەیل وە ئاژانسەگە وتن، روتشای تەمەن 73 ساڵ دەسگیرکریاگە لە میامی لە رووژ جمعەی گوزەشتە.

یەکیگ لە سەرچەوەیل دیاریکەێد، "وەزارەت داد ئەمریکا توومەتبار روتشا کەێد وە کارکردن بەرژەوەنی حکومەت کوبی".

وەزارەتەگە راگەیانیە زانیاری زیاتر لە باوەت دۆسیەی لەدانشتن دادگای رووژ دووشەممە خەێدە روی.

وەپای ئاژانسەگە، روتشا لە بەرزترین پلەی دبلۆماسیەت ئەمریکا کارکرد لە ئەرجەنتین لەماوەی ساڵ 1997 تا 2000، دیاریکرد لە موقەی کارکردن جویر بالیۆز وڵاتە یەکگرتگەیل لە بۆلیڤیا لە سال 2002، وەشیوەی راستەوخوەی چیە ناو پێشبڕکێ سەرۆکایەتی گشتی ئەرا ساڵ 2002.

وەپای ئاژانسەگە، ئەو دبلۆماتکارە، چەن هەفتەیگ وەرجە دەنگدانەگە دەسڵاتدارەیل بۆلیڤیا ئاگادارکردیە، وڵاتەیەکگرتگەیل دەسمیەتیەیلی ئەرا ئەو وڵاتە وسنێد ئەگەر ئیڤۆ مورالیس جویر سەرۆک بۆلیڤیا هەڵوژێرێد.