دەسگیرکردن پیاویگ هەفتا ساڵان لە ئوردن دوو کوڕ خوەی کوشتیە

شەفەق نیوز/ دەزگای ئەمنی ئوردن، ئمڕوو چوارشەممە، پیاویگ هەفتا ساڵان دەسگیر کرد، دوو کوڕ خوەی کوشتیە، لەوەر ناکۆکییگ دارایی.  

قسەکەر فەرمی ئاسایش گشتی، ئەرا ئاژانس (بەترا)ی ئوردنی وت: دەزگا ئەمنیەیلە توەنست بکووش دوو کوڕەگەی، لەناو ئەشکەفتیگ لە پارێزگای عەجلون دەسگیر بکەن.  

وتیش: دویای لێکۆڵینەوە، باوگەگە ئاشکرا کرد ک وەگولە هەردوگ کوڕەگەی خوەی کوشتیە، لەوەر گرفتیگ دارایی، و هەمیش دەسنریا بان ئەو چەکە ک تاوانەگە  وەپی جیوەجی کردیە، وهیمان لێکۆڵینەوە وەردەوامە.  

دویەکە سێشەممە، دەزگا ئەمنیەیلە دەسکردنە لێکۆڵینەوە لە رویداویگ، ک پیاویگ هەفتا ساڵان دویای گرفتەیلیگ دارایی وەگەرد دوو کوڕەگەی لە پارێزگای عەجلون، وە گولە کوشتیەسەیان.