دەسەڵاتدارەیل ئیران سزای زیندانیکردن لەبان “کورانیچڕ ناڕەزایەتی” دەرکردن وەگەرد ناچارکردنی وە نویسین گورانی “دژوە ئەمریکا”
![دەسەڵاتدارەیل ئیران سزای زیندانیکردن لەبان “کورانیچڕ ناڕەزایەتی” دەرکردن وەگەرد ناچارکردنی وە نویسین گورانی “دژوە ئەمریکا”](https://media.shafaq.com/media/arcella/1709360027272.jpg)
خاوەن خەڵاتی گرامی تەمەن ٢٧ ساڵ، دویەکە جمعە، وە گورەی تووڕ سی ئێن ئێن لە زوان ئاژانس خەوەر چالاکوانەیل مافی مرۆڤ، "هرانا"، بوخت "گاڵداین نائارامی ئاسایش نەتەوەیی" و "بڵاوکردن پڕوپاگەندە دژوو نیزام" توومەتبار کریا.
وەگورەی ئەو گرووپە، پولیس حاجپور دەسگیرکردگە و پرسیار وەردی کردگە و توومەتەیل کاڵداین ئەرا ناڕەزایەتی ئەرای سازین یەیش دویای دوو رووژ لە بڵاوکردن ڤیدیۆ کلیپەگەی گۆرانییەگەی “بەرایی” لە تووڕ کۆمەڵایەتی ئینستاگرام.
ئی بڕیارە لە دویای هەڵمەتیگ تیەێد ئەرا سەرکوتکردن دەنگ ئۆپۆزسیۆن لە ناوخۆی وڵاتد، وەگورەی تووڕە ئەمریکییەگە.
حاجپور کە ناسنامەی نتودەوڵەتی و خەڵات شایستەیی تایبەت ئەرا خاسترین گورانی ئەرا ئاڵشتکاری کۆمەڵایەتی لە ئاهەنگ خەڵات گرامی ساڵ ٢٠٢٣ ئەرا ئەو گورانییە وەرگرد، لە مانگ ئەیلول ٢٠٢٢ لە شار ساری پارێزگای مازەندەران (باکوور) لەلایەن هیزە ئەمنییەیل دەستوەسەر کریا و لە مانگ تشرین یەکەم خود ساڵەگە وە کەفالەت ئازاد کریا.
گورانییەگەی (بەرایی) بویە دروشمیگ ئەرا ئەو ناڕەزایەتیەیلە کە لە دویای مردن مەهسا ئەمینی تەمەن ٢٢ ساڵەو دەسوەپی کریا و گەشە کرد و بویە بزووتنەوەیگ فراوانتر کە داوای فراوانکردن پەراویز ئازادییەیل کرد و تەنانەت رمانن رژیم ئیسلامی لەو وڵاتە.
سزادان حاجیپور لە وەختیگ تیەێد کە چالاکوانەیل و رووژنامەنویسەیل و هونەرمەنەیل ترەکیش لە دویای خوەینشاندانەیل کەفتنە وەر دەسگیرکردن و زیندانیکردن و هەراسانکردن لە ناو ئەو کەسەیلە کە زیندانی کریان، نێرگس محمدی خاوەن خەڵات نۆبڵ ئاشتیە.
ئاژانس هرانا باس لەوەیش کردگە، ئەو فەرمان سزا کە لە لەبان ئەو هونەرمەن ئیرانییە دەرچگە، لە سزای زیندان زیاترە و سزای زیاییگ وەگەردی هەس.
تا ماوەی دوو ساڵ دویای زیندانیکردنی، حاجپور دەرچگنی لە ئیران قەیەغە کریەێد. هەمیش فەرمان بەشداریکردنی لهو چالاکییەیلە کە "دەستکەفتەیل" شووڕش ئیسلامی قایم کەن و لەوانەیش گردەوکردن باوەتەیلیگ لە ناشرینی ئەمریکا.
وەگورەی ڕاپۆرت ئاژانس هەواڵی هرانا، حاجپور بایەسە دوو کتاو تایبەت وە پێگەی ژن لە ئیسلام کوڵەو بکەێد و "وە بەڵگەنامەیگ پێشێلکارییەیل ماف مرۆڤ کە لە ماوەی سەدەی گوزەشتە لە لایەن حکومەت ئەمریکا ئەنجام دریانە".
خانم یەکەمی ئەمریکا، جیل بایدن، خەڵات تایبەت گرامی ئەرا خاسترین گورانی لە ئاڵشتکاری کۆمەڵایەتی پیشکەش وە گورانیی ئەو هونەرمەن ئیرانییە کرد و وە "بانگەوازیگ هازدار و شعرییانە ئەرا ئازادی و مافەیل ژن" وەسف کرد.