دەسەڵاتەیل ئیران دویەت خوەشک خامنەئی دەسگیر کەن
شەفەق نیوز/ دەسەڵاتەیل ئیرانی، فەریدە موراد خانی خوارزای ریبەر ئیرانی عەلی خامەنەیی دەسگیر کردن، دویای ئەوە ک فەریدە وە رژیمەگە وتیە "تاوانکار و بکوش مناڵە".
مەحمود موراد خانی برای فەریدە لەبان تویتەر نویسان: ک فەریدە خوەشکی دویای داواکردنی لەلایەن دادگا، رووژ چوارشەممە دەسگیر کریاگە.
فەریدە خان نفرەت لەو ستەم وکوشتن و بڕین ئاشکرا لەبان ئیرانیەیل کرد، و رەخنە لە خەمسەردی کۆمەڵگای ناودەوڵەتی گرد، و وت: ئەی ئازادەیل وەگەردمان بوون، وە حکومەتەیل خودان بویشن واز لە پشتگیریکردن ئی رژیم تاوانکار مناڵکوشە بارن.
وتیش: ئی رژیمە ئەرا هویچ بنەمایل ئاینی خوەی دڵسووز نییە، و هویچ فەرمانیگ نیەزانێد مەگەر تەنیا فەرمان زوور و مقەیەتیکردن تەخت خوەی وەهەر جویریگ بویە.
موراد خانی داد لەدەس ئەو سزایلە کرد ک لەبان رژیمەگە نریاگە چوینکە ئی هەڵمەت کوشتن و بڕینە جیوەجی کەێد، ک وت (کاریگە ئایەم کەێدە خەنە) و وت: ئیرانیەیل وەتەنیا لەناو رەنجیان ئەرا ئازادی مەننە.
