"دەرد گرانیگ" تویش سەرۆک شیشان تیەرێد
2024-04-24T07:58:44+00:00
شەفەق نیوز/ سەرۆک شیشان رەمەزان قەدیروف تویش گیچەڵیگ تەندروسی مەترسیداریگ بوود، وەپای دەزگایەیل راگەیانن روسی، دووپاتیکردنە بارودۆخ تەندروسی هیشتیە کرملین مینەی جینشین بکەێد ئەرا مسۆگەرکردن سەقامگیری بارودۆخ ناجیگیر شیشان.
سەرچەوەیگ پزیشکی وە رووژنامەی "نۆڤایا غازیتا ئەوروپا" راگەیان قەدیرۆف دەرچگە تویش هەوکردن تونیگ پەنکریاس بویە لە ساڵ 2019ەو، لەچەن مانگ گوزەشتە بارودۆخی بەدترەو بویە، و تویش بیماری لە کارکەفتن تونیگ گورچگ بویە وەرد گردەوبوین ئاو لەناو سویەیلی.
لە تەقەلایگ ئەرا رەدکردن خەوەرەگە، قەدیروف لەبان پلاتفۆرم تلیگرام پارچە ڤیدیۆیگ بڵاوکردیە دەرچگە کە سەرۆکایەتی گردەوبوینیگ کەێد لە پایتەخت شیشان، گرۆزنی" باوجی لە قسەکردن بیهاز دەرکەفێد.
هاوپەیمانەیلی پارچە ڤیدیۆیگ بڵاوکردنە لەمەوقەی وەرزشکردن، باوجی بینەرەیل تێبینی کردنە لەجیای کیش قورس کیشو سووکەیل هەڵگردیە وە پیچەوانەی جارانی.
قسەکەر سەرۆکایەتی رووسیا دمێرتی بیسکۆف لە مانگ سبتەمبەر 2023 دووپات کرد کرملین خەوەرنەیرێد لە بیماری قەدیرۆف.
