ڤیدیۆ.. بینتاگۆن فڕۆکەی ئەڵاجەوییگ لە ئاسمان تۆمار کەێد
2021-05-15T11:20:59+00:00
شەفەق نیوز/ وەزارەت وەرگری ئەمریکا (بینتاگۆن)، پارچە ڤیدیۆییگ بڵاو کرد فڕۆکەی ئەڵاجەوییگ نشان دەێد لە ئاسمان باڵ گرێد وئیجا لەناو ئاو زەریاگە نوقما بوود.
وەرگری ئەمریکا باس کرد ک کامیرایل کەشتی بی ئێس ئێس ئۆماها لە تەمووز ٢٠١٩ چشت خڕیگ نەناسریاگ لە ئاسمان تۆمار کردن، وەگورەی کەناڵ فۆکس نیوز.
لەو ڤیدیۆ ک وە سیا و چەرمگ تۆمار کریاگە، ئەو چشت ئەڵاجەویە دەرکەفێد ک کەمیگ گڕ خوەێد و ئیجا لەناو ئاوەگە نوقما بوود، و لویس ئیلیزوندو ئەفسەریگە لە هەواڵگری بینتاگۆن وت: فڕۆکە ئەڵاجەویەکان توێنن وەئازادی لە بۆشایی و ئاسمان و ئاو گەشت بکەن.
سەرچەوەیگ لە دەریایی ئەمریکی وت: ئەو ڤیدیۆ وە مۆبایل تۆمار کریاگە لەناو ناوەند جەنگی لەناو کەشتیەگە ک خوەی شوینیگ نهێنیە و ری ئەرا وەکارهاوردن مۆبایل لەناوی نیە.
