دەیان کوشیان و زەخمداری وە گورزەیل سوری - رووسی وەبان ئۆپۆزسیۆنە چەکدارەیل لە حەلەب

شەفەق نیوز/ زیاتر لە ١٥ کەس کوشیا و دەیان کەسیش زەخمدار بوین، ئمڕوو شەممە، وە گورزەیل فڕۆکەیل سوریا و روسیا لەلای مەیمەن باسی لە شار حەلەب، کە گرووپەیل چەکدار ئۆپۆزسیۆن رەسینە ناوی.

لە شەوەکی ئمڕووەو، فڕۆکەیل جەنگی روسیا و سوریا پەلامار جەنگاوەرەیل ئۆپۆزسیۆن دەن لە سەنگەریل دەورگرد شار حەلەب.

گورزەیل هەمیش ناوچە و ئاوایەیلیگ کردنە ئامانج کە هیزەیل ئۆپۆزسیۆن لە پەلاماریگ ناکاوەی داسنانە بانیان.

ئامار کوشیاگەیل سەرباز و مەدەنی لە ئۆپراسیۆن ئۆپۆزسیۆن چەکدار لە رووژ چوارەمەی لە ئیدلیب و حەلەب رەسیە زیاتر لە ٣٤٠ کەس.