دەیان کوشیان و زەخمداری وە تەقینەوەیگ لەناو مزگەفتیگ لە شار پیشاوەر پاکستان
2023-01-30T10:37:02+00:00
شەفەق نیوز/ دەیان کەس کوشیان و زەخمدار بوین لەناو مزگەفتیگ ک شمارەی فرەیگ لە نمازکەرەیل لەناوی بوینە، لە شار پیشاوەر پاکستان.
ئاژانس رۆیتەرز لە زوان وەرپرسیگ لە پولیس پاکستان وەناو سیکاندرا خان وت: تەقینەوەیگ لەناو مزگەفتیگ پڕ لە مەردم نمازکەر لە شار پیشاوەر، ئمڕوو دووشەممە، روی دا.
وتیش: بەشیگ لە مزگەفتەگە رمیا، و مەزەنە هەس کەسەیل فرەیگ لە ژیر رمیایەگە بوون.
ئاژانس رۆیتەرز لە زوان وەرپرسیگ لە خەسەخانە باس کوشیان ١٩ کەس وەلای کەمەو لەو تەقینەوە کرد.
لەلای خوەییش، محمد ئەسیم خان قسەکەر خەسەخانەی سەرەکی لە پیشاوەر وت: شمارەیگ لە تەرم کوشیاگەیل رەسیە لامان، یە رەوش فریاکەفتنە، و ئەرا ئاژانس فرانس پرس وت: تا ئیسە ٣٩ زەخمدار لەلای کەمەو رەسیەسە خەسەخانە.
تەقینەوەگە مەوقەی نماز ئیوارە لەناو ئەو مزگەفتە روی دا.
