دیارنەوین شازادەی وێڵز.. بەریتانیا چەوەڕی راگەیانن ئامادەباشی کەێد
![دیارنەوین شازادەی وێڵز.. بەریتانیا چەوەڕی راگەیانن ئامادەباشی کەێد](https://media.shafaq.com/media/arcella/1710753774146.webp)
لە ژیر رووشنایی بەیش خەوەر بڵاو بویە کە کۆمپانیای پەخش بەریتانی (بی بی سی) ئاگادارییگ ئەرای رەسیە کە بایەسە لە هەر وەختیگ "ئامادەکاری" ئەرا راگەیانن لەلایەن بنەماڵەی شاهانەو، بەڵام بی بی سی هویچیگ لەی باوەتە ئاشکرا نەکرد.
زانیاری کە وەرجە ڕاگەیاننەیل گەورە، کۆشک باکینگهام هووشداری دەێدە میدیایل تا ئامادەبوون، نموونەی ئەو ڕاگەیاننە کە لە مانگ شوباتی گوزەشتە شا چارڵز تویش شێرپەنجە بویە، کە بەشیگ لە پەیامنێرەیل لەو باوەتە ئاگادار کریان.
لە سەرەتای مانگ ئازار ئمساڵ، کەیت میدلتن ئەرا یەکەمجار لەوەردەم خەڵک هاتە دی دویای ئەوەگ لە ناوڕاس مانگ یەک لە خەسەخانە خەفیا، وەگورەی ئەوەگ میدیایل بەریتانیا بڵاوی کردن، لە وەختیگ میدیای تایبەتمەن لە ئەمریکا وینەی شازادەی وێڵز لەناو ماشینیگ بڵاو کرد لە نزیک لەندەن.
شازادە تەمەن 42 ساڵە لە 16ی مانگ یەک ئەرا ئەنجامدان نەشتەرگەری زکی لە خەسەخانە خەفت، تا ئیسە هووکار ئی نەشتەرگەرییە نادیارە، بەڵام وەگورەی میدیایل بەریتانیا پەیوەندی وە هویچ شێرپەنجەیگ نەیرێد.
دویای نزیکەی ٥ رووژ، گەورەترین دەزگایل وینەگردن لە جەهان راگەیان کە ئەو وینە کە لەلایەن کۆشک کێنسنگتۆن شازادەی وێڵز کەیت میدلتۆن و سێ مناڵەگەی بڵاو کریاس "دەسکاری کریاس".
ئەسۆشێتد پرێس، ڕۆیتەرز و ئاژانس فرانس پرێس وە جیا "ئاگاداری سڕینەو" و ئەرا ریخریاگە میدیاییەیل لە گشت جەهان بڵاوکردن و چەسپانن کردەوە کە وینەگە لە کتاوخانەی تاکەکەسی خوەیان لاوردنە.
سەرچاوەیل وتن: ئاژانسەیل لە بڕوایان
ئە وینە کە کۆشک کێنسنگتۆن هەفتەی گوزەشتە لە شاری ویندسۆر گریاس و شازادە کەیت میدلتۆن و سێ مناڵەگەیان، شازادە جۆرج تەمەن ١٠ ساڵ، شازادە شارلۆت تەمەن ٩ ساڵ و شازادە لویس تەمەن پەنج ساڵ، دەسکاری کریاس.