خوه‌ينيشانده‌ره‌يل ئيرانى وشه‌ى "ئسلاميه" له‌ناو وڵاته‌گه‌يان لاوردن
2018-01-01T11:52:00+00:00
شه‌فه‌ق نيوز/ گرته ڤيديۆيه‌يليگ له‌بان ماڵپه‌ڕه‌يل په‌يوه‌ندى كۆمه‌ڵايه‌تى بڵاو كريا، ك باس له‌وه ئه‌كريه‌ێد گرته ڤيديۆێ خوه‌ينيشانده‌ره‌يل ئيرانيه له به‌نده‌ر ته‌شابهار ك كه‌فته‌سه بان ده‌رياى عه‌ره‌ب له باشوور خوه‌رهه‌ڵات وڵاته‌گه.
خوه‌ينيشانده‌ره‌يل له‌و گرته ڤيديۆ داواى ئازادى و سه‌روه‌خوه‌يى ئه‌كه‌ن و وشه‌ى "ئسلاميه"يش له‌ناو كۆمار ئيرانى لاوردن.
جى باسه، خوه‌ينيشانداين له چه‌ن شاره‌يليگ ئيرانى ئه‌را رووژ چواره‌م هه‌ر وه‌رده‌وام بوێ وه‌تايبه‌ت دويه‌شه‌و سه‌رساڵ تازه.
