خوه‌ينيشانداينه‌يل ئيران وه‌رده‌وامه‌و كوشياگ و زه‌خمدار له‌لى كه‌فته‌و
2018-01-02T08:12:00+00:00
شه‌فه‌ق نيوز/ شماره‌ى كوشياگه‌يل له‌ئاكام خوه‌ينيشانداينه‌يل له ئيران ره‌سيه 17 كوشياگ، ئه‌ويش دوياى په‌نج كوشياگ له جه‌نگ ناونى خوه‌ينيشانده‌ره‌يل و هيزه‌يل ئاسايش ئه‌و وڵاته له پاريزگاى ئه‌سفه‌هان.
له‌ى باوه‌ته‌و، هووكاره‌يل ره‌سانن باس له‌وه كردن ك جه‌نگ سه‌ختيگ روێداگه له‌ناونى خوه‌ينيشانده‌ره‌يل و هيزه‌يل ئاسايش له پاريزگاى ئه‌سفه‌هان و ده‌سڵاته‌يل ئيرانييش دگان وه كوشيان 12 خوه‌ينيشانده‌ر ناگه وه گوله‌ى هيزه‌يلى له سه‌ره‌تاى خوه‌ينيشانداينه‌يل، وه‌لێ شماره‌ى گيرياگه‌يل ره‌سيه‌سه فيشتر له 600 كه‌س.
جى باسه، هووكاره ره‌سانن باس له وه‌رده‌وامى خوه‌ينيشانداينه‌يل دژ حكومه‌ت له ئيران كردن دوياى كوشيان شماره‌يگ خوه‌ينيشانده‌ر و زه‌خمداربوين شماره‌يگ تر ك له‌تى داواى خاسسازى ئه‌كريه‌ێد.
