خوارزای خامەنائی: ئەگەر خامەنائی بمرێد رژیمەگە فرە نیەمینێد
خانی ئەرا کەناڵ "العربية" وت: هەر هامشوویگ یا پەیوەندییگ ئەوەسە ک داڵگی و خانەوادەی رازی وە رەفتارەیل رژیم بوون، ئەراوە هویچ پەیوەندییگ وەگەردیان نییە.
دیاری کرد ک فەریدە موڕاد خانی خوەشکی ک دەسەڵاتەیل دەسگیری کردنە، سزاگەی ئەرا ٥ ساڵ زیندانی سووکەو کریا، وەلی هیمان ئی قسە گومانە.
خانی وتیش: ٢٠ هەزار لە خوەینشاندەرەیل دەسگیر کریانە، و ئازادییان لەناو ئیران بڕیاگە، و دی جویلە وەپیان نیەکریەێد.
هەرلیوا، خانی فرەی ئیرانیەیل وە دژ ئی رژیمە دادە قەڵەم، و بڕیگیش لەوانەگ لە حکومەتەیل وەرین بوینە ئیسە لەدەس رەفتار رژیم رازی نیین، وتیش: ئی خوەینشاندان ئیسە بەڵگەس لەبان ئەوە ک رژیم خامەنائی گیچەڵ دیرێد، چوینکە ری وە دیموکراتی نیەێد، و یە چل ساڵە ستەم لە ئازادی ژن کەێد.
خوارزای عەلی خامەنائی وتیش: فرە لە کەسوکارەیل دژوە سیاسەت رژیم ئیران وسیانە، وەلێ نیتوەنن بچنە خوەینشاندان، وتیش: باوگی لەبان ناڕەزایی وەی رژیمە کوشیاگە.
خانی وتیش: هاتێ خامەنائی وەرجە مردنی کەسیگ لە پۆست ریبەر لە شوین خوەی دانەێد، وتیش: ئەگەر خامەنائی بمرێد رژیمەگە فرە نیەمینێد.
هەمیش وت: بڕوا نیەکەم موجتەبا کوڕ خامەنائی لە شوین باوگی بوود، چوینکە بوودە جەنگ لەناو خود رژیمەگە.
