خنکیان و بیسەروشوینی نزیکەی ١٩٠ کووچبەر ئەفریقایی وەرانەور یەمەن

ریخریاگ ناودەوڵەتی لە بەیاننامەیگ کە ئاژانس فرانس پرێس بڵاوی کرد وت: ٤٩ کووچبەر لەلای کەمەو گیانیان لەدەسدان، لە وەختیگ هیمان ١٤٠ کەس ترەک بیسەروشوینە، ئەوەیش دویای نوقمبوین بەلەمیگ وە ٢٦٠ کووچبەرەو وەرانەور یەمەن، دویەکە دووشەممە.

دووپاتیش کرد کە ٣١ ژن و شەش مناڵ هانە ناو کوشیاگەیل، و ئەو بەلەمە ١١٥ سۆماڵی و ١٤٥ ئەسیوپی لەناوی بوینە.

یەیش نووترین رویداوە لەناو زنجیرەیگ لە رویداوە مەرگبارەیل، لەبان یی کووچکردن خوەرهەڵات.

ساڵانە دەیان هەزار کووچبەر ئەفریقایی، کەفنە کاروانیگ پڕ لە مەترسی لەڕی خوەرهەڵاتەو لەبان دەریای سوور و یەمەن ئەرا رەسین وە سعودیە، و وایین لە جەنگەیل و کارەساتەیل سروشتی، یا وە تەقەلای رەسین ئەرا دەرفەتیگ ئابووری خاستر.