خانمە وەزیر تەندروسی پورتوگال لەوەر مردن ژنیگ هیندی دەس لەکار کیشێدەو
2022-09-01T09:43:09+00:00
شەفەق نیوز/ مارتا تیمیدۆ، خانمە وەزیر تەندروسی پورتوگال، دویای چەن ساعەتیگ لە رەسین خەوەر مردن ژنیگ گەشتیار دووگیان بویە لەناو خەسەخانەی زایین، دەس کار کیشادەو.
وەگورەی ڕاپۆرت دەزگای ئیزگەی بەریتانیا "بی بی سی"، ئەو ژن هیندیە، لە تەمەن ٣٤ ساڵان، مەوقەی هاوردنی لە خەسەخانەیگ ئەرا خەسخانەیگتر لە لشبۆنە، دڵی وسیا، و گیانی لەدەسدا.
یەیش دویای زنجیرەیگ لە رویداوەیل ئی تاوسانە، ک رخنەگرەیل گلەیی خەنە بان قەیران دامەزرانن فەرمانبەری لە یەکەیل زایین پورتوگالی.
خانمە دکتۆر تیمیدۆ، لە ساڵ ٢٠١٨ پۆست وەزیر وەرگردیە، و ئویشن خوەی خاوەن خاسیە لە دەرچگن پورتوگال لە قەیران کۆڕۆنا، باوجی حکومەت لە بەیاننامەیگ وت: تیمیدۆ زانست ک دی مەرجەیل مەنینی لە پۆستەگە نەما.
