خانمە هونەرمەنیگ ناودیار ئیرانی: من ژن وڵات بکوشەیل نییم
![خانمە هونەرمەنیگ ناودیار ئیرانی: من ژن وڵات بکوشەیل نییم](https://media.shafaq.com/media/arcella/1665661995800.jpg)
شەفەق نیوز/ فاتمە موعتەمدئاریا، خانمە ئەکتەر ناودار، لە سینەما و شانۆی ئیران، لە ڤیدیۆیگ وە زبری ڕەخنە لە تونوتیژیەیل کۆمار ئیسلامی دژوە گەنجەیل وڵاتەگەی گرێد، و ئویشێد: ''من ژن وڵات بکوشەیل نییم''.
فاتمە موعتەمدئاریا لەباوەت کاریگ شارەوانی تەهران ک کۆلاژ وینەی ژنەیل ناودار لە دیواریگ مەیدان وەلیعەسری تەهران هەڵوەسایە، لە ڤیدۆگە وەدەم گریانەو وە تونی ڕەخنە گرێد و ئویشێد: خوەی وە داڵگ گشت قوربانیەیل کوشتن و بڕین حکومەت تەهران زانێد، و داوا کەێد وینەگەی ئەو داگرن.
ئەو خانمە ئەکتەرە ئویشێد: وینەگەم لە دیوارەگەی مەیدان وەلیعەسر داگرن''.
هەمیش ئویشێد: ''لە وڵاتیگ ک گەنجەیل و دویەتەیل و لاوەیل ئازادیخواز لە مەیدانیگ کوشن، خوەم وە ژن دانیەنەم، من داڵگ مەهسا (ژینا) و سارینا و گشت ئەو گەنجیلەم ک لەی وڵاتە کوشیان، من داڵگ گشت وڵات ئیرانم، من ژن وڵات بکوشەیل نییم.