خانمە سەرۆک وەزیرەیل نیوزلەندا تویش کۆرۆنا هات
2022-05-14T06:59:09+00:00
شەفەق نیوز/ نویسینگەی سەرۆک وەزیرەیل نیوزلەندا، ئمڕوو شەممە، راگەیان خانمە سەرۆک وەزیرەیل، جاسیندا ئەردیرن، ک دەسخوەشی لە تەقەلایل حکومەتەگەی کریا لە نواگردن پەتاگە، تویش کۆڤید-١٩ هات.
حکومەت لە بەیاننامیگ وت: نشانەیل پەتاگە لەبانی سووکە، و ئەوەسا تا هەفت رووژ کەفێدە کەرەنتین ماڵی.
ئەردیرن لە یەکشەممەی گوزەشتە دویای تویشهاتن کلارک گیفورد هاوسەری کەرەنتین خوەی کرد، و تەگبیر بوی رووژ دووشەممە دەسبکەێدە ئەرکەیلی.
نیوزلەندا سەختترین ریکارەیل وەرانوەر پەتاگە لە ٢٠٢٠ جیوەجی کرد، و تەنیا ٨٩٢ مردن وە ڤایرۆس کۆرۆنا توومار کرد.
