خانمە سەرۆک وەزیرەیل بەریتانیا دەس لەکار کیشێد
شەفەق نیوز/ لیز تراس خانمە سەرۆک وەزیرەیل بەریتانیا، ئمڕوو پەنجشەممە، دەسکیشانەوەی لە سەرۆکایەتی حزب پارێزەرەیل خاوەن دەسەڵات راگەیان.
میدیایل راگەیانن بەریتانیا وتن: لیز تراس خانمە سەرۆک وەزیرەیل بەریتانیا، وە فەرمی دەسکیشانەوەی لە سەرۆکایەتی حکومەت راگەیان، دویای ئەو ئاژاوە لەناو حکومەتەگەی لەی دوو رووژ گوزەشتە، دویاتریان دەسکیشانەوەی خانمە وەزیر دەرەوە بوی.
وتیش: تراس وتیە لە پۆستەکەی مینێد تا حزبەگە ریبەر نوویگ هەڵوژێد.
تراس لە وتاریگ لە داونیژگ ستریت وت: پۆستەگەی لە سای نائارامییگ وەرگرد و لەسایەی نیگەرانی خانەوادەیل لە داین پویل فاتورەیل و لەسای جەنگ لە ئۆکرانیا و نائارامی ئابووری لە ئاست جەهانی، وتیش: لەلایەن حزب پارێزەرەیل پەسەن کریام وەتەقەلای ئاڵشتکردن رەوشەێل، و پەیمان خوەمان لە مسۆگەرکردن نرخ وزە و پیمەی نیشتمانی وەجی هاوردیمن، و نووڕینیگ ئەرا کەمکردن باجەیل دانایمن.
هەمیش وت: وە نووڕین رەوشەگە، زانم ک نیەتوەنم ئەو ئەرکە ک لەلایەن حزب پارێزەرەیل ئەرای پەسەن کریامە جیوەجی بکەم، قسە وەرد شاه چارڵز سێیەم کردم و ئاگاداری کردم ک من بڕیار دەسکیشانەوە لە حزب پارێزەرەیل دامە، وەگەرد وەردەوامی لە کار سەرۆکایەتی حکومەت تا ئەوەنە کەسیگ لەشوینم هەڵوژیەێد.
ئی دەسکیشانەوە تەنیا دویای ٦ هەفتە لە وەرگردن پۆست سەرۆک وەزیرەیل هات.
