خامه‌نه‌يى له‌ وتار نه‌وروز: سزايه‌يل ئه‌مريكى وه‌ قانجازمان بوێ

خامه‌نه‌يى له‌ وتار نه‌وروز: سزايه‌يل ئه‌مريكى وه‌ قانجازمان بوێ
2020-03-20T09:29:02+00:00

شه‌فه‌ق نيوز/ عه‌لى خامه‌نه‌يى رابه‌ر باڵاى ئيرانى، پيرووزبايى له‌ ئيران و ملله‌ته‌گه‌ى كرد وه‌ بوونه‌ى جه‌ژن نه‌وروز و سه‌ره‌تاى ساڵ تازه‌ى ئيرانى، گوزارش له‌وه‌يش كرد ئيرانيه‌يل قوربانيه‌يل دانه‌ ئه‌را رێگرى له‌ ڤايرۆس كۆرۆنا له‌ وڵاته‌گه‌.

 

له‌ى باوه‌ته‌و، ئاژانس ته‌سنيم ئيرانى لێدوانه‌يل خامه‌نه‌يى ئه‌را ملله‌ت ئيران جيواز كرد له‌ڕێ ته‌له‌فزيۆن و وت: قوربانى كادره‌يل پزيشكى و خوه‌يبه‌خشه‌يل ئه‌را خزمه‌ت نه‌خوه‌شه‌يل له‌ ئيران جى شانازيمانه‌ له‌ى وه‌خته‌يل سه‌خته‌.

 

جى باسه‌، خامه‌نه‌يى له‌ وتاره‌گه‌ى باس له‌وه‌يش كرد و وت: سزايه‌يل ئه‌مريكى وه‌ قانجازمان بويه‌و هانمان دا ئه‌را ئه‌وه‌گ پشت وه‌ خوه‌مان بووه‌سيم.

Shafaq Live
Shafaq Live