یەخ ژیان و هامشوو بەریتانیەیل شیونێ
وەگورەی رووژنامەی «سەن» بەریتانی، پانی ئەو یەخە لە ١٠ سانتیمەتر زیاتر بویە، و گەرمی رەسیە نزیکەی ١٥ پلە ژیر سفر لە ئەسکوتلاندا.
چەن فڕۆکەخانەیگ، جویر فڕۆکەخانەیل دەورگرد لەندەن پایتەخت، ناچار بوین لەوەر وەفروارین پاچینەیل بوەسن، ک ژاوەژاو کەفتە ناو گەشتکەرەیل.
ژنیگ لەناو فڕۆکەخانەی "ستانسد" لە دەورگرد لەندەن لەبان تویتەر نویسان: تەگبیر بوی ئمڕوو گەشت بکەم، ئیجا پویچەڵ کریا و ناچار بویم لەبان زەوی ناوڕاس فڕۆکەخانەگە بخەفم.
کابرایگتر بیزاری خوەی نشان دا، ک وت: یەخەگە لە ١٠ سانتیمەتر زیاترە، یە لە لەندەن لەی وەرزە چشت فرەیگ نییە.
وتیش: یە کەموکوڵیە لە پەیوەندی، چوینکە مەردمەگە دەسپاچە بوینە و نیەزانن چەوەڕی چە کەن.
بڕیگتر لەناو ری وەرەو بەریتانیا داد لەدەس پویچەڵکردن کاروانەیل ئاسمانی کردن، جویر کاروانیگ لە رۆمای ئیتالیا، ک ناچار بوین لە هوتێل بخەفن.
