خەڵات نۆبڵ ئەرا ئاشتی دیرێد.. مردن سەرۆک وەرین فینلاندە مارتی ئەهتیساری
2023-10-16T11:36:56+00:00
شەفەق نیوز/ سەرۆکایەتی فینلاندە، ئمڕوو دووشەممە، مردن مارتی ئەهتیساری سەرۆک وەرین فینلاندە راگەیان، کە خاوەن خەڵات نۆبڵە ئەرا ئاشتی، لە تەمەن ٨٦ ساڵە، دویای زیانی وەگەرد بیماری ئەڵزەهایمەر.
سولی نینیستو سەرۆک ئیسەی فینلاندە وت: وە خەفەت فرەیگ چاو مردن سەرۆک مارتی ئەهتیساری وەپیمان رەسی.
ئەهتیساری کە لە ماوەی ١٩٩٤ تا ٢٠٠٠ سەرۆکایەتی وەرگرد، ناوجی لە شمارەی گەورەیگ لە ململانێەیل ناودەوڵەتی کرد، هەرلە ئەندەنووسیا تا کۆسۆڤۆ و مامیبیل، و چەن خەڵاتیگ وەپی پیشکەش کریا، تا خەڵات نۆبڵ ئەرا ئاشتی لەساڵ ٢٠٠٨.
