حووسی پەلاماردان فڕوکەخانەی بن گوریۆن و فڕۆکەهەڵگر ئەمریکی راگەینێد

شەفەق نیوز/ گروەپ ئەنسارولڵا (حووسیەیل)، ئمڕوو یەکشەممە، جیوەجیکردن دوو ئۆپراسیۆن سەربازی راگەیان، لەبان فرۆکەخانەی بن گوریۆن لە تەل ئەبیب و فڕۆکەهەڵگر ئەمریکی "يو ئەس ئەس هاري ترومان" لە دەریای سوور، و دووپات لە وەردەوامی جەنگ کرد، ئەوەیش لە وەڵامدان پەلامارەیل ئەمریکا و پشتگیریکردن پرس فەلەستینی.

بەیاننامەگە لەلایەن هیزەیل چەکدار یەمەنی سەروە حووسیەیل وت: هاز مووشەکی پەلامار فرۆکەخانەی بن گوریۆن لە یافای داگیرکاری وە مووشەک پالیستی لە دەنگ ئەویان لە چین فەلەستین 2 دا، کە بویە مدوو وسیان جویلەی کاروانەیل ئاسمانی تا زیاتر لە نیم ساعەت.

هەرلیوا، بەیاننامەگە دیاری کرد کە هاز مووشەکی و چەک بیفرۆکەوانی پەلاماریگ وەبان فرۆکەهەڵگر ئەمریکی (هاري ترومان) و چەن پارچەیگ دەریاوانی یاوەری لە دەریای سوور کردنە ئامانج، کە رویوەڕویبوین تا چەن ساعەتیگ وەردەوام بوی.

دووپاتیش کرد لە وەردەوامی نواگیریکردن دوژمنایەتی تاوانکاری، و دووپات کرد کە جەنگ وەرانوەر جەنگ کەیمن، و دووارەی هەڵوێستی کرد لە پاڵپشتیکردن گەل فەلەستین و نواگیریکردن دەریاوانی ئیسرائیل لەو ناوچەیلە تا وسانن دوژمنایەتیی لە غەززە.