حووسییەیل دڕۆن سیخوڕی ئەمریکا خەنە خوارەو

شەفەق نیوز/ گرووپ حووسییەیل لە یەمەن، شەوەکی ئمڕوو جمعە، کە وەگورەی وەچەودیەیل، دڕۆنیگ ئەمریکی خستنە خوارەو، لە نووترین وەخوارخستن ئەرا دڕۆن سیخوڕی ئەمریکی، لە وەختیگ چەکدارەیل وەردەوامن لە پەلاماریان وەبان ری دەریای سوور.

سوپای ئەمەریکا لەو پارچە ڤیدیۆیلە ئاگادار بوین کە لەبان ئەنتەرنێت بڵاو بوی، کە نشان چشتیگ جویر فڕۆکەی سزیاگ دەێد لە ئاسمانەوە کەفێدە خوار، و ئەوانەگ لە پشت کامیراگە وتنە لە ناوچەیگە لە پارێزگای جۆف یەمەن.

سوپای ئەمریکا وت: لێکۆڵینەوە لە رویداوەگە کەێد، و رازي نەوی هویردەکاریەیلیگ زیاتر بەێد.

زویوەزوی ئاشکرای مارکەی فڕۆکەگە دیار نەوی لەو ڤیدیۆی شەوانە کە کوالیتیی کەم بوی.

حووسییەیل مووشەک زەوی-ئاسمان دیرن کە توەنێد مووشەک بخەێدە خوار، جویر مووشەک ئیرانی 358.