حزبولڵا ئویشێد کاریگ وە پەلاماردان ئیسرائیل نەیریمن
شەفەق نیوز/ حزبولڵای لوبنان، ئمڕوو شەممە، ئاشکرا کرد کە هویچ پەیوەندییگ وە پەلاماردان ئیسرائیل وەو مووشەکەیلە نەیرێد مە لە باشوور لوبنانەو وەشیانە، و دیاری کرد کە خوەی پابەندە وە رێککەفتن ئاگربەسی.
حزبەگە لە بەیاننامەیگ رەسیە ئاژانس شەفەق نیوز وت: حزبولڵا هویچ پەیوەندییگ وە وەشیان هەر مووشەکیگ لە باشوور لوبنانەو وەبان زەویەیل داگیرکاری فەلەستین نەیرێد.
دووپاتیش کرد کە هەڵوەسین دوژمن ئیسرائیلی دەسپیچگە ئەرا وەردەوامی دوژمنایەتیی لەبان لوبنان، کە دویای راگەیانن ئاگربەسی نووسیانەو.
حزبەگە دووارە دووپات لە پابەندبوینی وە رێککەفتن ئاگربەسی کرد، و ئەو لە پشت دەوڵەت لوبنان وسێد ئەرا چارەسەرکردن ئی پەلامار سەهیۆنی رخدارە لەبان لوبنان.
ئمڕوو شەممە، سوپای ئیسرائیل راگەیان کە پەلامار ئەنجامەیلیگ سەروە حزبولڵا دار دویای ئەوە کە بێنیامین نتنیاهو سەرۆک وەزیرەیل فەرمان جیوەجیکردن پەلامارەیل وەبان دەیان ئامانج دا کە وە تیرۆرست باسیان کرد.
