حزبولڵا وەرپرسایەتی خوەی لە پەلاماردان ماڵ نتنیاهو دەێد
شەفەق نیوز/ حزبولڵای لوبنان، ئمڕوو سێشەممە، وەرپرسیارێتی تەواوەتی خوەی لەو پەلامارە راگەیان کە وەرجە چەن رووژیگ شوین داکاسیان بنیامین نتنیاهو سەرۆک وەزیرەیل ئیسرائیل لە قیساریا باکوور تەلشەبیب کردە ئامانج.
محمد عەفیف وەرپرس پەیوەندییەیل راگەیانن لە حزبولڵا لە کۆنگرەیگ رووژنامەوانی لە زاحیەی باشوور بەیروت وت: حزبەگەی وەرپرسایەتی تەواو و تەیانیی خوەی لە ئۆپراسیۆن قیساریا و وەئامانجگردن نتنیاهو راگەینێد.
عەفیف دووپات کرد کە حزبولڵا لە سای وەردەوامی جەنگ دانوسەنین نیەکەێد، وەرپرسایەتی بیوەیی ئەو جەنگاوەرەیلە کە دەسوەسەر کریا خستە گەردن ئیسرائیل.
عەنیف وتیش؛ دانوسەنین لە ژیر ئاگر نییە، و ئەوەگ وە ئاگر نەکەفێدە دەس وە سیاسەت نەکەفێدە دەس.
حزبەگە وتیش: دەسوەسەرەیل لە جەنگاوەرەیلی لەلای ئیسرائیل هەس، و وەرپرسایەتیی ژیان و تەندروسییان خستە گەردن ئیسرائیل، و داوا لە خاج سوور ناودەوڵەتی کرد لەوە دڵنیا بوود.
لەلاییگ ترەک، عەفیف راگەیان کە دامەزراو قەرز حەسن کە بارەگای لە باشوور لوبنان و خوەرهەڵاتی کەفتتە وەر پەلامار ئیسرائیل شەو یەکشەممە، و حزبەگە پابەندە وە پویل مەردم.
