حزبولڵا پەلاماریگ وە مووشەک و دڕۆن لەبان سەربازگەیگ ئیسرائیل ئەنجام دەێد
2024-04-17T14:21:52+00:00
شەفەق نیوز/ حزبولڵای لوبنان، ئمڕوو چوارشەممە، جیوەجیکردن پەلاماریگ (دووانەکی) وە مووشەک و دڕۆن لەبان سەربازگەیگ ئیسرائیل راگەیان، لە وەختیگ دەسەی پەخشکردن ئیسرائیل وت: پەلامارەگە ١٨ زەخمدار لەلی کەفتەو.
حزبولڵا لە لە بەیاننامەیگ کە ئاژانس شەفەق نیوز لەلی ئاگادار بوی وت: لە وەڵامدان کوشتن شمارەیگ لە بەرخودانکارەیل لە عەین بعال و شیهابیە وەدەس دوژمن، موجاهدەیلمان پەلاماریگ دووانەکی وە مووشەک و دڕۆن لەبان بارەگای سیریەی روانگەکردن سەربازی لە عەرەب عەرامشە جیوەجی کردن، و کەسەیل ناوی لە کوشیان و زەخمداری خستن.
لەلای خوەییش، پەخشکردن ئیسرائیل وت: شمارەی زەخمدارەیل لە ئەنجام پەلامارەگە لە جەلیل رەسیە ١٨ کەس، لەناویان زەخمییان سەختە.
