حزبولڵا دەیان مووشەک ئەرا جەلیل بانگ وەشنێد
شەفەق نیوز/ میدیایل ئیسرائیل، شەوەکی ئمڕوو یەکشەممە، خەوەردان کە نزیکەی ٣٥ مووشەک لە لوبنانەو وەرەو جەلیل خوەرئاوا لە نیمە شەوەو وەشیاس، وتنیش؛ فیکەی هوشداری لە چەن ناوچەیگ لە جەلیل بانگ و لە موتلە باکوور ئیسرائیل کوتیا.
حزبولڵا لە چەن بەیاننامەیگ لە شەفەق ئمڕوو یەکشەممەو وت؛ بومب دانریاگ تەقانیە و تەقە لە هیزەیل ئیسرائیل کردیە کە هاتیە وەرەو ناوچەی تەل مدەوەر لە ناوچەی رامیە دزە بکەێد، وتیش: کوشیان و زەخمداری لەلییان خست.
هەمیش ماشینیگ قەڵغانی ئیسرائیلی کردە ئامانج و تەقە لە هیزەیلیگ کرد هاتنە وەرەو ناوچەی رامیە دزە بکەن.
حزبولڵا وتیش: ناوچەی "زرعيت" باکوور ئیسرائیل وە مووشەک بورکان کردە ئامانج.
هەمیش شەفەق ئمڕوو سەنگەر سوپای ئیسرائیل لە معیلیا وە مووشەک کردە ئامانج.
هەمیش حزبەگە پەلاماردان گردەوبوین سەربازەیل ئیسرائیل لە شوميرا وخلە وەردە لە باشوور لوبنان راگەیان، و پەلاماردان گردەوبوین سەربازەیل ئیسرائیل لە ناوچەی تەل شەعر و لە مەنارە.
