حزبەیلیگ ئاینی خوەیان لە حکومەت ئیسرائیل کیشنەو

شەفەق نيوز - وەشوینکەفتن 

حزب "ئەغودات ئیسرائيل" کیشانەوەی لە هاوپەیمان حکومەتی راگەیان، لە گامیگ وەگەرد راگەیانن حزب "ديغل هاتورا" تیەێد کە ئەوەیش نیاز دەسلەکارکیشانی ئاشکرا کرد، لە ناڕەزایی لەبان پڕۆژەی وەخشین خوەنەوارەیل مەکتەوەیل ئاینی لە خزمەتکردن سەربازی، کە وتن: یە شکاننە لە لەیەکفامستنەیل وەرین.

  رووژنامەی "ئیسرائیل هيوم" وت: دەسلەکارکیشان ئەندامەیل "ديغل هاتورا" لە ماوەی 48 چوودە ئاست جیوەجیکردن، وەکارم تەقەلایەیلیگ ئەرا ئەنجامدان گردەوبوین لە ساعەتەیل ئایندە تا بیلن حزبەگە واز لە بڕیارەگەی بارێد و لەناو حکومەت بمینێد.

لەلای خوەییش، دەزگای پەخش ئیسرائیل وت: سەرکردایەتی "ديغل هاتورا" دووپات لە دەسلەکارکیشانی کرد هەرچەن فشارەیل سیاسی هەس، و ئەو پرۆژەی یاسا لە رێککەفتنمان رەد کرد، و حزبەگە واز لە بڕیارەگەی نیارێد.

  وەگورەی رووژنامەی  "مەعاريف"، بنیامین نتنیاهو سەرۆک وەزیرەیل ئیرنگە لەبان هاوپەیمانییگ مەنیە تەنیا 61 نوینەر لە کنیست دیرێد، لەدویای زەنجرەی دەسلەکارکیشان دوایین، لە وەختیگ رووژنامەگە هوشداری دا ئەرا حزب "شاس"یش دەسلەکارکیشا حکومەت فرەیی خوەی لەدەسدەێد، و بوودە حکومەت کەمینە وە تەنیا 50 نوینەر.

وەرجەیە "ئیسرائيل هيوم" باس ئەوەسا لە ماوەی دوو رووژ ئایندە دەسلەکارکیشان حزبەیل "يهدوت هتورات" کە "ديغل هاتورا" و"ئەغودات ئیسرائيل" هاناوی چوودە ئاست جیوەجیکردن، واتە ئەو هاوپەیمانیە کەفێدە وەر سەختی گەورەیگ تا لە سای فرەیی تورت لەناو کنیست وەجیگیری بمینێد.