حاڵه‌ت خه‌ته‌ريگ له كه‌نداو كه‌فته ناونى ده‌رياوانى ئه‌مريكى و ئيرانى
شه‌فه‌ق نيوز/ له ته‌نگ هورمز روێداگيگ ئحتكاك كه‌فته ناونى ده‌رياوانى ئه‌مريكى و ئيرانى و تواس بڕه‌سيده ته‌قه‌كارى و ئاقبه‌تى وه خراو بنيشێد.
له‌ى باوه‌ته‌و، تووڕ "CNN" ئه‌مريكى وت: ئه‌و گرژيه له‌ناونى سێ كه‌شتى ئه‌مريكى وه ياوه‌رى ته‌ياره‌يل هێليكۆپته‌ر و كه‌شتييگ جه‌نگى ئيرانى بويه ك گوزه‌ركردنيان له‌و ته‌نگ هورمزه له كه‌نداو وه ريككه‌فت بويه.
تووڕ ناوبرياێ له لێدوانيگ فه‌رمى ئه‌را سوپاێ ئه‌مريكى وت: كه‌شتيه ئيرانيه‌گه نزيكه‌و بويه له كه‌شتيه‌يل ئه‌مريكى له‌وه‌خت گوزه‌ركردنيان له ته‌نگ هورمز وه مه‌سافه‌ێ 800 يارده‌و كه‌شتيه ئيرانيه‌گه رووشنايى خسته‌سه بان كه‌شتيه‌يل ئه‌مريكى وه‌ل شه‌وق ليزه‌رێ وه شيوه‌يگ راسه‌وخۆ له‌بان ته‌ياره ئه‌مريكيه‌گه‌و يه‌يش له‌يوا كرددگه روێداگ ناخوه‌شيگ بوود و ته‌ياره ئه‌مريكيه‌گه‌يش ده‌زگايه‌يل ته‌قه‌كردنى ئاماده كردگه ئه‌را هه‌ر حاڵه‌تيگ خه‌ته‌ر وه‌رجه له‌وه‌گ وه ئه‌مان گوزه‌ر كردگه.
