حەمزە یوسف بوودە سەرۆک حکومەت ئیسکوتلاند
2023-03-29T15:16:13+00:00
شەفەق نیوز/ حەمزە یوسف قەسەم یاسایی جویر سەرۆک حکومەت ئیسکوتلاند خوارد، تا ئمڕوو چوارشەممە، بوودە یەکەمین سەرۆک موسوڵمان ئەرا حکومەتیگ لە خوەرئاوای ئەوروپا.
یوسف لە تەمەن ٣٧ ساڵان، بویە بویچگترین سەرۆک حزب نیشتمانی ئەسکوتلاندە، و پەیام گورجەوکردن هەڵمەت حزبەگە ئەرا سەروەخوەیی دا.
باوجی دویای سەرکەفتنی لەپشت بیکۆلا ستورجن، چەن پرسیاریگ کەفێدە بانی لەوەر رازینەوین کیت فۆربس رکابەری لە چگن ئەرا ناو حکومەتەگەی.
خانمە وەزیر وەرین دارایی ٤٨٪ لە دەنگەیل وەدەس هاورد، وەرانەوەر ٥٢٪ ئەرا یوسف.
یوسف لە ئمڕووەو ئەندامەیل حکومەتەگەی گردەو کەێد، دویای ئەوە ک لە وەردەم لۆرد کولین سازرلاند سەرۆک باڵاترین دادگایل ئەسکوتلاند قەسەم خوارد.
