حەماس کوشیان زیاتر لە ١٤٠ کەس وە گورزەیل شەوانەی ئیسرائیل لە غەزە راگەینێد
نویسینگەی راگەیانن حەماس لە بەیاننامەیگ وت: زیاتر لە ١٤٠ شەهید و سەدان زەخمدار بوی شەوە کەفتن کە داگیرکەر جەنگ جینۆساید و کوشتار جیوەجی کەێد، کە وە مووشەک و بومب دەیان ماڵ رمانە بان سەر مەدەنیەیل بی چەک.
وەرجەیە، ئاژانس خەوەری فەلەستینی (وەفا) خەوەردا لە کوشیان دەیان فەلەستینی، مناڵیش هاناویان، و زەخمداری دەیان کەسیش کە زەخمییان سەختە، ئەوەیش وە گورزەیل ئیسرائیل وە فڕۆکەیل جەنگی، کە شەفەق سێشەممە، مناڵەیلیگ لە کەمپ خان یونس، و ناوچەی قرارە، و لە رەفەح، و لە جەبالیا بەلەد باکوور غەزە، و لە شان خەسەخانەی شوهەدا ئەقسا، و لە کەمپ بریج ناوڕاس غەزە.
ئاژانسەگە خەوەردا لە کوشیان ٢٣ کەس فەلەستینی مناڵیش هاناویان، و زەخمداری زیاتر لە ٤٥ کەس لەلای کەمەو، ئەرا خەسەخانەی ناسر بریان، لە ئەنجام گورزەیل ئیسرائیل لەبان ماڵەیل خەڵکەگە و بەنزیخانەیگ ناوڕاس و خوەرهەڵات خان یونس کردنە ئامانج.
