حەماس دانوسەنین ئاگربەسی لە غەززە وەشنێد

سەرچەوەگە ئەرا ئاژانس فرانس پرێس وت: سەرکردە محمد زەیف خاسە و سەرپەرشتی لە وەرخودان قەسام کەێد.

وتیش؛ ئیسماعیل هەنیە سکرتێر نویسینگەی سیاسی حەماس ئاگادار ناوجیکەرەیل و بەشیگ لایەن هەرێمی کرد وە بڕیار وسیان دانوسەنین، لەوەر ناجددی ئیسرائیل و سیاسەت دویاخستن و پەکخستن وەردەوام و جیوەجیکردن کوشتیارەیل لەبان مەدەنیە بیچەکەیل. 

هەنیە توومەتبار سەرۆک حکومەت ئیسرائیل بنیامین نەتینیاهۆ کرد وە دانانی ریگری لەروی رەسین ئەرا رێککەفن ئاگربەسی لە کەرت غەززە ئەوەیش وەو تاوانەیل قیزەونە وەلایەن سوپای ئیسرائیل.