جو بايدن: تره‌مپ ئه‌زانێد وه ئاسانى شكه‌ست وه‌پى ئه‌يه‌رم
شه‌فه‌ق نيوز/ جو بايدن جيگر وه‌رين سه‌رۆك ئه‌مريكاو هه‌وڵده‌ر ئه‌را وه‌ده‌سهاوردن كانديد حزب ديموكرات له هه‌ڵوژاردنه‌يل ئاينده‌ى سه‌رۆكايه‌تى ئه‌مريكا، داواى په‌يجورێ كرد له‌و راپۆرتيله ك له‌تيان باس له‌وه كرياگه دۆناڵد تره‌مپ سه‌رۆك ئه‌مريكا فشار خسته‌سه بان هاوتا ئۆكرانيه‌گه‌ى ئه‌را په‌يجوريكردن وه‌ل بايدن و كوڕه‌گه‌ێ.
جو بايدن له‌وه‌ختيگ ك تويڕه‌يى وه‌پيه‌و ديار يوێ له گرده‌وبوينيگ له ولايه‌ت ئه‌يوا، وت: ئه‌يه دياره ئستغلالكردن ده‌سڵاته ك په‌يوه‌ندى وه سه‌ركرده‌ى ده‌وڵه‌تيگ دووس بكه‌ێد و له‌باره‌ى منه‌و قسه بكريه‌ێد، ك يه‌يش ره‌فتاريگ ناوه‌جێ.
جو بايدن هه‌ميش وت: تره‌مپ ئه‌و كاره‌يله ئه‌نجام ئه‌ياد له‌وه‌ر ئه‌وه‌گ زانێد وه ئاسانى شكه‌ست وه‌پى ئه‌يه‌رم و رێ ئستغلالكردن ده‌سڵات ئه‌گرێده وه‌ر و گشت ده‌زگايه‌يليگ سه‌رۆكايه‌تى هاورده‌سه كار ئه‌را ئه‌وه‌گ ناوم له‌كه‌دار بكا.
