جهان رەسیە دەوران رخبەریگ.. مردنەیل کۆڕۆنا لە چوار مەلیۆن رەد کردن
شەفەق نیوز/ ئامار مردنەیل لەوەر ڤایڕۆس کۆڤید-١٩ لە جهان، لە چوار مەلیۆن مردن رەد کرد، ودووارە پەتاگە گورجەو بوی لە ئەنجام بڵاوبوین ئاڵشتبوی دەلتا، وە تایبەت لە ئاسیا، ک رووژ پەنجشەممە، یابان راگەیان ک ئەوەسا بازیەیل ئۆڵومپی لە ناونی ٢٣ یولیو و ٨ غستس لە پشت دەرەیل بەسیاگ ئەنجام دریەێد.
تیدرۆس ئەدهانۆم وەرپرس رێکخراو تەندروسی جهانی، رووژ چوارشەمە، وت: ئامار مردنەیل کۆڤید-١٩ لە پلەی زیانداریگ ئەوبانترەو بوی ک رەسیە چوار مەلیۆن مردن، و هووشداری کرد ک جهانەرەسیە دەوران رخبەریگ لەوەر ئاڵشتبویەیە نووەیلە و هەڵگردن قەیەغەیل تەندروسی.
ڤایڕۆس کۆڕۆنا بویە هووکار مردن ٤،٠٠٤،٩٦٦ کەس، وەگورەی هەزگژماریگ لەلایەن ئاژانس فرانس پرس لە بنەمای سەرچەوەیلیگ فەرمی.
ئەندەنوسیا چوارەم گەورەترین وڵاتی لە جهان لەلایەن هەژمار دانیشتوەیلی، کەفێدە وەر خراوترین شەپۆل پەتا، وەگەرد تۆمارکردن سەدان لە مردنەیل و زیاتر لە ٣٠ هەزار تووشهاتن نوو وەیەک رووژ.
ئاڵشتبوی دەلتا بویە هووکار بەرزەوبوین تووشهاتنەیل کۆڕۆنا لە ئەمریکا، ک خوەی خاوەن فرەترین واکسینەیلە.
