جه‌نگ "مراوى" 10 سه‌رباز وه هه‌ڵه كوشت
2017-06-01T07:51:00+00:00
شه‌فه‌ق نيوز/ دلفين لورنزانا وه‌زير وه‌رگرى فليپينى ئاشكراى كوشيان 10 سه‌رباز كرد له په‌لاماريگ ئاسمانى له‌شار "مراوى" له باشوور وڵاته‌گه‌و يه‌يش ده‌رخست ك ئه‌و سه‌ربازه‌يله وه هه‌ڵه كوشيانه.
لورنزانا له لێدوانيگ ئه‌را رووژنامه‌نويسه‌يل له مانيلا وت: شماره‌يگ سه‌رباز كه‌فتنه‌سه وه‌ر په‌لاماره‌يلمان و 10 له‌ليان وه هه‌ڵه كوشيانه ك يه‌يش جى داخه.
جى باسه، جه‌نگه‌يل وه‌رده‌واميگ له شار مراوى ده‌س وه‌پى كردگه ك زوورم مه‌ردمه‌گه‌ێ موسڵمانن، ئه‌ويش له‌ناونى تونڕه‌وه‌يليگ ك لايه‌نگرى ريكخرياگ داعش كردن و هيزه‌يل ئاسايشى ك هه‌وڵ راوناينيان ئه‌ياد له چه‌ن ناوچه‌يگ ك له‌تيان جيگير بوينه.
