جاریگتر دوو کورد لە ئیران دریانە سێدارە

لەی باوەتە ( ریخریاگ ماف مرۆڤ هەنگاو) راگەیان:  شەوەکی رووژ چوارشەممە 11/1/2023 سزای لەسێدارەدان دوو کەس کورد وە ناوە ئازاد دادوەند، تەمەن 40 ساڵ و خەڵک سەردەشت، هەرلیوا، کەیوان ئەمینی تەوکول، تەمەن 42 ساڵ و خەڵک بانە، لە بەندیخانەی ناوەندیی ئەراک لەلایەن حکومەت ئیران جیوەجی کریا.

باس ئەوەیش کرد ک هاوەخت وەگەرد لەسێدارەدان ئەی دوو کوردە، سێ کەستریش لە سێدارە دریان، و ئاشکرا کرد  ک ئی پەمگ بەندکریاگە وەرجەیە وە اوومەت پەیوەندیدار وە ماددەی هۆشبەر دەسگیر کریان، و لەلایەن دەزگای دادوەریی کۆمار ئیسلامی سزای سێدارەیان لەبانیان چەسپیا.

کەیوان ئەمینی و ئازاد دادوەند دوو ساڵ وەرجە ئیسە دەسگیر مریتن و لە بەندیخانەی ناوەندیی ئەراک زیندان بوین.

ریخریایەگە وتیش:   لە ماوەی 12 رووژ سەرەتای ساڵ 2023 لەلای کەمەو  سزای سێدارەی 10 هاووڵاتی کورد لە بەندیخانەیل کرماشان، کەرەج، بەندەر عەباس و ئەراک جیوەجی کریاگە.