جەهان چەوەڕی مانگگیران تەواویگ کەێد زیاتر لە ٤ ساعەت وەپی چوود
2023-04-26T10:08:08+00:00
شەفەق نیوز/ ناوەند گومەزی ئاسمانی گەردونناسی لە مۆسکۆ، راگەیان ک چەن ناوچەیگ لە جەهان، ئەوەسا مانگگیران لە یەکەم هەفتەی مانگ ئایار وەخوەی دوینێد.
لە بەیاننامەیگ وت: رووژ جمعە، ٥ ئایار ٢٠٢٣، دانیشتگەیل بەش لە ناوچەیل زەوی، مانگگیران نیمچە تەواویگ دوینن.
بەیاننامەگە وتیش: مانگگیرانەگە تا ماوەی ٤ ساعەت و ١٧ خولەک وەپی چوود، و فرەی مانگەگە کەفێدە ژیر سای زەوی، و کنار باکووریی وە چەو دیار دەێد ئەگەر ئاسمان رووشن بوود.
وەگەرد دانیشتگەیل رووسیا، دانیشتگەیل جەمەسەر باشوور و فرەی دانیشتگەیل ئاسیا و باشوور خوەرھەڵات ئەوروپا، و ئوسترالیا، و ئەفریقا، و ناوچەیل زەریای ئەتڵەسی و هیندی توەنن لە پەنج ئایار مانگگیرانەگە بوینن.
