جەنگ فڕۆکەیل بیفڕۆکەوان.. رووسیا پویچەڵکردن پەلامار نوویگ لەبان مۆسکۆ راگەینێد
2023-08-21T07:53:23+00:00
شەفەق نیوز/ وەزارەت وەرگری رووسیا، ئمڕوو دووشەممە، پویچەڵکردن پەلامار نوویگ وەلایەن ئۆکرانیا وە فڕۆکەیگ درۆن راگەیان، کە مۆسکۆی پایتەخت کردیەسە ئامانج.
وەزارەتەگە وت: لە ساعەت ٠٦:٥٠ وە وەخت مۆسکۆ، روانگەی دوو فڕۆکەی بیفڕۆکەوان کریا، و وە جەنگ ئەلیکترۆنی لە شار ئودینتسوفۆ لە دەورگرد مۆسکۆی خوەرئاوا خریانە خوارەو، وەبی توومارکردن زەخمداری.
دویەکە یەکشەممە، وەرگری رووسیا لە کەرتەیل روستۆڤ و بیلگورد باشوور خوەرئاوای رووسیا پەلامار فڕۆکەیل بیفڕۆکەوان ئۆکرانیا پویچەڵ کرد، وەبی توومارکردن زەخمداری.
دویەکەیش شار کەریم باشوور خوەرئاوای رووسیا کەفتە وەر پەلاماریگ وە فڕۆکەیگ بیفڕۆکەوان ئۆکرانیا، ک کەفتە بان خانگ ویستگەی کڕ ئاسن لە شارەگە، و ئاگر لەلی هیزگرد، و بویە هوکار زەخمداری ٥ کەس وە پەراشەی شویشەی پەنجەرەیل.
