جگارەیگ ئەلیکترۆنی ئاگر لەناو فڕۆکەیگ فەڕەنسی لەئاسمان کەێدەو
2022-11-21T13:31:20+00:00
شەفەق نیوز/ یەک کەس لەناو فڕۆکەخانەیگ فەڕەنسی زەخمدار بوی، ئەوەیش دویای ئەوە ک ئاگر لە جگارەیگ ئەلیکترۆنی لەناو کارەانەگە گوڵپە کرد، وەگورەی راگەیانن دەسەڵاتەیل فەرەنسا.
سایت Business Inside ئەمریکی لە زوان دەسەی فڕۆکەوانی فەرەنسا و نویسینگەی لێکۆڵینەوەی بیوەیی فڕۆکەوانی شارستانی وت: لێکۆڵینەوە لە رویداوەگە واز کریا.
نویسینگەی لێکۆڵینەوە وت: کابرایگ زەخمدار سەختیگ بویە، دویای ئەوە ک جگارەیگ ئەلیکترۆنی ئاگر لە باتریەگەی گوڵپە کردیە، مەوقەی داوەزین فڕۆکەگە، و تیم فڕۆکەگە توەنستنە ئاگرەگە کپەو بکەن.
سایتە ئەمریکیەگە وتیش: دیار نییە ئایا هەر خاوەن جگارە ئەلیکترۆنیەگە بویە ک زەخمدار بویە، یا کەسیگتر بویە.
